Mitti

Jabse aayi ho na tum,
tabse main thoda alag sa rehta hoon.
Aayi ho jo tum yaha,
chaav banke, mujhe dhoop se bachane.
Chali mat jaana dhul banke.
Chali mat jaana dhua banke.
Iss maamuli si zindagi main,
aayi ho jo tum ik nasha banke,
Ye nasha mitti jaisa hai,
Nasha hai pyaar.
Kitna bhi jhaadlu dil ko,
ye waapis aajata hai yaar.
.
Mat jao itni jaldi,
Andhera hone waala hai.
Mat jao itni jaldi,
thaamlo mera haath.
Dil mera bana baitha,
hai ik Banjara.
Thaamlo mera haath,
aage ka raasta hai kharab.
Ye guzaarish mitti jaisi hai,
Guzaarish hai pyaar ki.
Kitna bhi jhaadlu mann ko,
ye waapis aajata hai yaar.
.
Inn pattiyon par,
likhna hai mujhe kuch.
Ek nazm likhna hai.
Tumhara naam likhna hai.
Likhna hai mujhe ki,
tumhe toh kaajal ki bhi zaroorat Nahi.
Iss neele aasmaan main,
udna hai mujhe tumhare saath.
Ye zaroorat mitti jaisi hai,
Zaroorat hai tumhari.
Kitna bhi jhaadlu dil ko,
ye waapis aajata hai yaar.